ساعدوني زوجي يخونن

هذي قصة أحدي الاخوات وتطلب منكم المساعدة
السلام عليكم
بصراحه ماادري كيف ابدأ وايش اقول انا مشكلتي مع زوجي اللي ماصارلي ثلاث سنوات معاه حسيت انه بدأ يخونني قبل سنه بعد مابدأ يشتغل مع اخوه بالتجاره صار يسافر كثييييير بحجة الشغل ومن بعد السفر انا شفت الويل اول مره راح مصر ومن بعد مارجع صار يقفل جواله برمز سري مع انه اول كان عادي اشيل جواله على كيفي الحين ممنوع وكل ماادق عليه مايرد ويرجع يتصل يقول جوالي عالصامت ماادري ايش معناها واكتشفت له صور مع بنات في مصر طبعا انا ماشفتها رسلها على ايميل اخوه اللي متزوج اختي وشافتها بالصدفه واكتفت انه سافر يتمشى مو شغل وجلس عشرين يوم وكل ماادق عليه يقول باقي الشغل ماخلص بعدها سافر الصين ويوم رجع لقيت في جواله الهوايل طبعا رسايل واتصالات وارقام كثيييييره حسيت ان الدنيا تدور فيني ماعرفت اتصرف وصارحته واكييد لازم ينكر وحلف ويقول مو انا ولا لي دخل بالموضوع واحد من الشباب المشكله ان الرسايل بإسمه والحين يومين بس عندي وباقي الاسبوع في جده يقول شغل معقوله انا مو مصدقه لو شغل ليش مااروح معاه كل مااقول له نروح ونستقر في جده يقول لا انا اطلع من الصبح وماارجع الا الليل بصراحه انا خلااااااااااااااص ماعرفت اتصرف وماعرفت كيف اتعامل معاه وكل يوم اكتشف شي جديد كل يوم انام ودمعتي على خدي هذي ماصارت عيشه موجود ولا هو موجودانا حاسه ان حياة اختي تتكرر معاي لانها نفس الحركات زوجها يسويها ولاتقولون السبب مني بالعكس والله وربي يشهد اني ماقصرت معاه في شي مدلعته اخر دلع
والله هذا الكلام ماقدرت اقوله ولاامي ولا اخواتي ياليت تساعدوني احيانا افكر اقول اطلب الطلاق واروح انا وولدي بيت اهلي وخلاص انساه واحيانا اقول اجلس في بيتي بس اطنشه ولا اسال فيه
الله يخليكم قولولي ايش اسوي انا محتاااااااره
انتظر ردودكم

__________________

السلام عليكم ورحمة الله وبركاته
اختي العزيزة :
انا رايي انك لا تستعجلين وشيلي من راسك فكرت الطلاق هذا خليه اخر ماتفكرين فيه وستعيني بالله واكثري من الاستغفار ولا تخلين الشيطان يشغلك بالخلق وينسيك الخالق انا عجبني انك ما دخلتي احد من اهلك في مشكلتك وهذا ان دل دل على طيب اصلك وزوجك يحسد عليك بصراحه من يلاقيله مره مثلك ويفرط فيها صاينه بيتها وعرضها الله يهديه ،انتي كثري الاستغفار وشتكي للملك الحي الذي لا يموت وابشري بالخير ولا كن لاتملي الدعاء إلى الله ولا تقنطي من رحمت الله وراح تشوفين تغير في زوجك ((اكثري من الاستغفاااااااااااار)))
عندي لك اقتراح وارجوا من الله انو ينجح
انتي تقولين انه دوم يسافر صح
إذا جا يسافر قولي له ودني بيت اهلي ألين تجي
وإذا رجع من السفر طبعاً بيجي مشتاق لكم وإذا مو مشتاق لك مشتاق لولده طيب
إذا جا لا تخلينه يقابلك وتحججي بأي شي وإذا قالك يله نرجع البيت قولي تعبانه وودي ارتاح اشوي بيت اهلي حاولي تقنعينه مو تهاوشين معه طيب وشوفي انتيجه وان شاء الله خير بس انتي اضبطي القصه عليه والله وفقك ويهدي زوجك
وحاولي انك تهدينه اشرطه محاضرات لبعض المشايخه تذكره بالله
حبيبتي حاولي تجيبلة سالفة ان صديقتك اكتشقت ان زوجها يخونها
وانك لو مكانها مارح تجلسين عنده وانة انسان ماعندة مسؤلية
وانة مثل البزران وان مثل هذا الانسان مايستحها وان احسن الرجال يتمنونها ون هذا الكلام
بعدين امدحي زوجك قوليله ان مافي مثلة ابد بارجال ياريت كل الرجال مثلة وخلية يفهم انك تحسين انة احسن الرجال واشرفهم
والله وأن شاء الله راح تحسين بنتائج بس يبلك صبر شوي شوي

حبيبتي ادعيلي ان الله يسخر زوجي لي هو اهله ويبعد عني المشاكل