أنا مثلك بحر لكن وسط نفسـي أنـا غرقـان !!

أنا يابحر ماجيتك فاضى ولمشاهـدك شفقـان
أنا جيتك أبنسى الياس و بعض الهـم يبارنـي

على بالك أنا جالس أسامر موجك الغضبـان
أسولف له عن أوجاعي و عني و غربة سنينـي

علامك يابحر غاضب علامك تصرخ بكتمـان
أنا جيتــكـ أبشكي لـكـ وأبـي منـك تـواسـينـي

أنا مثلك بحر لكن وسط نفسـي أنـا غرقـان
تعبـت أبحـر مع نفسـي وأسـالهـا أنـا وينـي

أنا محتار في وصفي ومع نفسي أنـا حيـران
أنا لاقادر أفـهـمهـا وهـي تجـهـل مضامـينـي

أنا مليت من حزني و تعبت أبحث عن السلوان
ولاظنيت بـه شـي عـن أحزانـي يسلينـي

أحس إن الحزن عالم بحورهـ وصحوهـ وديـان
تخيل يا بحر حجمهـ إذا حجمـهـ سكـن فـينـي

تصور لو شقا الدنيا تجمع في كيـان انسـان
تصدق مابقى بالكون أسى مابات فـي عينـي

ترى كل الحزن لو غاب وراح لآخر الأوطـان
يغيب ويرتحل لحظات ويرجع يستقـر فينـي

أنا آخر فصول الحزن وأنا لدروبـه العنـوان
وأنـا آخـر عزوفاتـه وأصواتـهـ تغنيـنـي

أنا و الليل و الغربـة تعانقنـا مثـل الأخـوان
ليلـي كـله آهاتـي و الغـربـة عناويـنـي

تعبت أسقي ثرى أحلامي وأزرع بالوهم بستان
تعبت ولا نبت زرعي وتعبت و جفت بساتينـي

ألايا بحر جاوبني وش آخـر هـذي الأحـزان
وش آخر رحلة أوجاعي و عناي و غربة سنيني
للمزيد من مواضيعي

يسلمووو

الله يعطيك العافية