ليتني ما قلت أحبك

وش يهمك؟ ليه غبت! ووين غبت؟ وليه جيت..
دام ما هزّك غيابي؟ وش يهزك.. لا لفيت!

ما تعوضني دموعك؟ عن صدودك؟ والجحود..
ليتني ما قلت أحبك؟ ليتني لك.. ما حكيت!

ليتني ما جبت طاري؟ ليتني.. ريحت بالي؟
وليتني في مثل حبك؟ بالمحبه.. ما وفيت!

كنت مفهم بالخيانه؟ كثر مسمع.. بالخيانه!
وكنت وافي بالمحبه؟ كثر ما عني.. سليت!

وكنت أشوف الناس مثلي؟ غلطتي وأكبر ذنوبي؟
ايه لاني بالمحبه! في هواك انتي.. ابتليت؟

ايه لاني! في عيوني! كنت أشوفك شي ثاني؟
وش أشوفك شي ثاني؟ كنت ملكك! ما حييت..

كنت أردد في غيابك.. أجمل بيوت القصايد..
كنت أررد (من يقول؟ اني بنساينك.. نويت؟)

ثم أردد (وان قويت أنساك؟ نسيانك صعب!)
وكنت أرددها بصوتي؟ في غيابك.. بيت؟ بيت؟

وطحت من عيني؟ حسايف؟ من مكانن كنت فيه؟
ما رقا به شخص غيرك؟ لا ولا غيرك.. رضيت!

لأنك أول شخص عندي؟ وآخر انسان(ن) أبيه؟
ولانك انت اللي ملكني؟ ولانك انت اللي قويت!

يسكن بوسط الحنايا؟ وان جرح قلبي؟ يمون!
ساكنن وسط الخفوق؟ وفي عيوني له مبيت..

جفني الأول فراشه؟ وجفني الثاني غطاه..
ولو عطيتها كل عمري؟ أعتبرني ما عطيت!

كنت مفرط في حناني؟ وكنت مفرط بالغرام؟
لين صرت انسان عادي؟ في عيونك لو بكيت!

من غلاتك؟ من قساتك؟ من جحودك؟ للوفا؟
من ضياع سنين عمري؟ وأروع أحلامن بنيت..

أصبحت مثل الحطام؟ اللي تطاير في هبوب!
ودي أستدرك شتاتي؟ لا ضميت؟ ولا رويت؟

غير حبك؟ يوم حبك؟ ضيّع سنيني معاه..
حسبي الله..ان صدفتك؟ و حسبي الله ان طريت؟

وين ما لديت وجهي؟ ألمحك تضحكن علي؟
ألمحك تضحكن علي؟ وغير ربي؟ ما شكيت!

مات قلبي وش بقى بي؟ أسألك بالله حي؟
والخفوق اللي رميته؟ في هواك اليوم ميت!

كيف أنسا؟ وكيف أسلا؟ أسألك بالله كيف!
ولو اقول اني نسيتك؟ يعلم الله ما نسيت!

طعنتيني أدمت جروحي؟ من كفوف اللي عطيته!
كل شين في حياتي؟ وإعتبرني ما عــــطيت!

أكرهك؟ وأكره حياتي؟ وأكره سنيني معاك؟
وأوعدك ما احب ثاني؟ طول عمري ما حييت!

وش يهمك؟ ليه غبت! ووين غبت؟ وليه جيت..
دام ما هزّك غيابي؟ وش يهزك.. لا لفيت!

مما راقى لي..

الله يعطيك العافية

الله يعافيك

صح لسان الشاعر

» أحبك .. من صميم القلب ،،
» ذبحها وهو يقولها أحبك