خلطة لإزالة الشعر والمسامات الواسعه نهاااائياً من الجسم

كيف حالكم.. يابنات.. وياستات .. وياحلوين .. انا اليوم جايبه لكم خلطة بسيطه بس والله العظيم ثلاااث شوفوني احلف انها مجرررربه علي شخصياً انا وامي وقريباتي ونتايجها من أول استعمااااااال.. واستعماله بس مره وحده في الشهر .. او كل ماشلتي جسمك بالحلاوة او الشمع أو الآله ( براون – امجوي ).. يعني تكون طريقتك بشيل الشعر ( نزع ومهو حلاقه )

وهو مجرد اعشاب من عند العطار أو الحواج >على قولة اهلنا بالكويت

يلااا نبدأ ببسم الله ..

هي عبارة عن : نبات السعد < تجيبينه عشبة وتطحنينها نتي في البيت عشان منعا للغش من عندالعطارين لأن بعضهم يخلطون معه ااشياءعشان يكثر في الميزان ( طريقة طحنه انك تحطينه بكيس لحم نظيف طبعاً غيرمستخدم وتدقينه بيد الهاون أوالنجر < تكتب بكل اللهجات عشان الكل يستفيد . تدقينه لين يتفتت زييييييين ثم تحطينه في طاحونة البهارات لين ينعم .

العشبة الثانيه : نبات السكران < هو كذا اسمه يروّع خخ المهم تطحنينه بعد زيين.

الطريقة : ( فيه طريقتين لعمله أو سواته ).

1- انك تجيبين كريم جليسرين ابوعلبه حمرااااا أوكريم ترتااااااااحين له للجسم أهم شششي مايكون دبببببببببق يعني مايكون ثقيل ماتتشربه البشره ,, المهم تجيبين قدرصغيروتحطين فيه كاسة ( قلاص ) الا ربع ماء وترفعينه على النارلين يغلي ثم تحطين حول ثلااااث ملاعق كبارمن نبات السعد المطحون ومثلهن من نبات السكران المطحون وتخلينه يقعد على النارمع التحرييييك لين تحسينه تجاااانس مع بعض وعلى فكرة ريييييييحته تهببببببل كنها ريحة بخور ! يعني ماتخافين من ريحته ابد

ثم ارفعيه عن النار وعلى طووووول حطي الكريم على الخليط وهوحااااااارعشان تذوب مكونااااته معاااه واخلطي زين زين لين مايبقى ولاذرة كريم مافيها من الخلطة اللي سويناها على النار .

وثم حطيها في برطمان < ع قولة اهل الحجازاحنا نقول علبة قزاز واحفظيها في مكان بعيد عن الرطوبه

واذ اشلتي بالحلاوة أونزع الشعر بالآله أو حتى بالشمع ( أهم شي نزع مهوحلااااااااااقه ) حطي عقب الشيل من الكريم وعلى طول راح تتشربة البشرة , خلييييييه اقل شي ساعتين واغسليه . استخدمي هالطريقة سبع ايام من بعد الشيل والله العظيييييييم يابنات يجي عليك شهرونصف شهرين وانتي ماطلع فيك الشعر وان طلع المرة الجاية يطلع خفييييف زي الريش وناعم وقليييييل والمسامات اللي في السيقاااان في زوال لين ماعاد تشوفين لها أثر , وكلما طلع الشعر وشلتيه حطي من الخلطة بنفس الطريقه ( طبعا ًالخلطة تكفييييييك شهووووووورعلى حسب كمية الكريم اللي حطيتيه ) يعني ما يحتاج كل شهرتسوين . والله يابنات نتايج بجد مذهلة لأني ماراح استفيد شي من مضرتكم غيرعقاااب الله وغضبه .

الطريقة الثانيه : اسهل من الأولى بس يقولون امي واختي الأولى ازين لأنها تتغلغل مع الكريم داخل المسامات < متأثرة بدعايات فيراند لفلي الأخت , بس انا اشوف هالطريقه ازين لانها مرررركزه .

الطريقه هي : ملعقه نبات سعد مطحون مع كاسة ماء ( قلاص)تحطينها في قدرعلى النار لييييين يغلي ويخف الماء ويصيرشكل الخليط زي الطحينه ( يسمونها في الكويت هردة )

المهم تطفين عنها الناروتخلينه الين تبرد وبعد ماتشيلين الشعرحطيها على جسمك لييين تنشف وحبذا لوطالت المدة ع الاقل ساعتين . ( عيبه اانك كل يوم ولمدة سبع ايام بتسوين هالخلطة لأنها لازم تكون فريش مو زي خلطة الكريم . استخدموها والله ثم والله ماراح تندمون

وترى هالعشبة ماقعد احد ماحكى فيها ومنهم خبيرالأعشااب المشهوووووووور جابرالقحطاني ومحمد الملحم ...... واذكر فيه خبيراعشاااب مصري ( اظنه عادل عبد العال ) جاء في قناة الناااس يقول هذي العشبه تخلي الستااات < يعني الحريم زي القزازة خاليه جدا من الشعروالمسامات والبلاوي ومفعوووله مفعول الليزر واكثر أماااااان منه .. سامحوني طولت عليكم بس للأمانه انقل تجربتي لكم بحذافيرها والا وش الفايده من الموضوع . حبيت اخدمكم يابناااااات عااااااالمي السااااحر .. على فكرة انا مااشرط على الردود اهم شي الفايدة بسس ادعولي ان الله يشفيني ويرزقني باللي اتمناه ..

» خلطه رهيبه لإزالة الشعر و تنظيف للبشرة
» خلطة تبيض وتوحد الجسم
» تبييض البشرة خلطة رائعة لكل اجزاء الجسم
» خلطة لتنحيف وشد الجسم انا جربتها وشفت النتيجة بسرعة
» خلطة السونا الرهيبه