طريقة القهوة الملكية حصري لرفحاويات

كيفكم رفحاويات جبت لكم طريقة القهوة الملكية الي يبيعونها بالكيلو لعيونكن

واللي هي:
القهوة
الهيل
الزعفران
**********
اولا: القهوة

طريقة القهوة الملكية حصري لرفحاويات Storm_1184993422_721727797

نوع القهوة له دور كبير في طعم القهوة
وافضل نوع القهوة البرية
ثم القهوة الخولانية
ثم البن الهرري
***
من اسباب رداءة القهوة هو شراؤها جاهزة محموسه ومطحونه من العطارة او المحامص والمطاحن والسبب انه ممكن تكون قديمة عنده فبالتالي ماتطلع تمام
والشي الثاني المطاحن اللي يستعملونها يطحنون فيها كللل شي وهذا يأثر طبعا على جودة القهوة
<<< طيب والمطلوب؟
المطلوب انك تشترينها نية وانت تنظفينها و تحمسينها في البيت وتطحنينها
ولازم تراعين مساله مهمة في الطحن وهي انك ماتطحنين كمية كبيرة
اطحني كمية تكفيك من 4 ايام الى اسبوع بالكثير
لان طعم القهوة اللي مطحونة اليوم يختلف عن طعم القهوة اللي مطحونة من شهر
(وهذا شي معروف وراح تلاحظينه)
اضافة الى ان المحلات ماتراعي نظافة القهوة وهذا الشي اللي انت راح تراعينه
في تنظيف القهوة
*****

،
،
،
يتبع

ثانيا:الهيل
]

طريقة القهوة الملكية حصري لرفحاويات Storm_730968175_2143881971

ايضا نوع الهيل له دور كبير لكن اهم شي في الهيل هو الطحن زي القهوة
الهيل مطحون اليوم غير عن الهيل مطحون من شهر ونفس الشي ماتطحنين كمية كبيرة
سر ثاني بعد كثير من النساء في الفترة الأخيرة صارو يطبخون الهيل مع القهوة بغيه في السرعة وظنا انه مايأثر
وهذا من الاخطاء اللي يغفل عنها البعض والسبب ان الهيل يفثل (وهذا مصطلح معروف عند الحريم) ومعنى يفثل ان طعم الهيل المطلوب يختفي ومايبان الا شي
بسيط
<<< طيب والحل؟
الحين اغلبيتنا يستخدم الترمس (الزمزميه) اذن تحطين الهيل في الترمس وبعد ماتنتهي القهوة طبخ تزلينها عليه في الترمس وتخلينها تركد
وجربي وراح تشوفين الفرق
موقف حصلي بخصوص هالسالفة:
(كنا مره بمجلس حريم وكل وحده وترمسها معها وكنا نتناقش بالسالفة هذي وحده تقول انه مايأثر ونفس الطعم وانا اقول ابدا ياثر المهم ذاقت قهوتنا وقهوة وحده ثانيه وقالت على قهوتنا ان هيلها باين اكثر من القهوة الثانية وطبعا قهوتنا مستخدم معها الطريقة اعلاه اما الثانية فكان الهيل مطبوخ مع القهوة!!!)
المهم في الموضوع انك ماتطبخين القهوة مع الهيل وللعلم بامكانك طبخ القهوة مع الهيل بحالة وحده وهي بعد زل القهوة (شخلها)

********
،
،
،
يتبع

ثالثا:الزعفران

]

طريقة القهوة الملكية حصري لرفحاويات Storm_548164312_816006033

الزعفران سر كبير من اسرار القهوة ومعروف انه دليل على حسن الضيافة
وهنا ماعندي كلام كثير لانه معروف عندنا كلنا ان الزعفران الممتاز غالي
واللي نستخدمه بكثره نوعية نقدر نقول عنها من جيد الى جيد جدا
مثل ابو شيبه وغيره واللي تعرف زعفران افضل تدلنا مشكورة
،
،
،
يتبع

هذا بالنسبة لاساسيات القهوة ماقبل التحضير
الحين نشوف التحضير
التحضير بناء على الاساسيات فوق مسالة سهلة جدا لانك متاكدة من قهوتك وش راح تصير
]

طريقة القهوة الملكية حصري لرفحاويات Storm_252136658_854116246

بالنسبة لنا بعد ماتغلي المويه نضيف القهوة فاذا كانت ثقيلة نضيف شي بسيط مبيض (كوفي ميت) واذا كانت خفيفة نحمس لها قهوة ثقيلة ونخلطها معها عشان يصير متوازن لانه الخفيفة لحالها راح تستمرين تحطين وماكانك حطيتي
والاصل ان تصير القهوة وسط لا ثقيلة ولا خفيفة لكن هذا اذا واجهتك مشاكل معاها
نتركها تغلي من من 10 الى 15 دقيقة وبعد ماتخلص تسكرين عليها وتخلينها شوي (مو على طول تشخلينها)
واذكر هنا وحده من العضوات حطت موضوع بخصوص هالسالفة الله يجزاها خير
ونعرف بعض الحريم من زود مايتركونها تركد مايستعملون المشخالة
اذن النقطة ذي مهمة
طبعا نكون محضرين الترمس اللي فيه الهيل والزعفران نزلها عليه ونتركها تركد
ملاحظة: القهوة هنا ماتقدم بسرعه لازم تترك على الاقل عشر دقايق عشان يمدي الهيل تشرب القهوة ونزل تحت
لانك اذا قدمتيها بسرعه راح يطلع معك الهيل ويزعج اثناء الشرب
واعرف وحده قالتلي اذا زليتيها في الترمس حطي عليها مقدار فنجان القهوة مويه مغلية عشان بسرعة الهيل يركد
وانواع السنع لاحصر لها
ملاحظة 2: قد مره قريت لوحده طريقة حلوه بالزعفران جربتها (خصوصا اذا كان الزعفران مو ذاك الزود) وهي انك بعد ما تغلي موية القهوة ناخذ منها شوي (مقدار فنجان القهوة تقريبا) ونحط عليها الزعفران وتترك على بال مانحضر القهوة ونحطها بالترمس وشوفي القهوة كيف راح يبان لون الزعفران فيها0
&&&&&&
هذا بالنسبة للقهوة في الترمس اما القهوة في الدلة
]

طريقة القهوة الملكية حصري لرفحاويات Storm_518848887_102506031

بعد ماتحطين الهيل والزعفران في الدلة و بانتهاء غليان القهوة نزلها في الدلة
ثم نفوح الدلة (يعني نخليها تغلي غليه وحده) ولازم تكونين جنبها عشان ماتطيش وتحوس الدنيا
ولاحظي هنا غلينا القهوة مع الهيل بعد شخلها وهذا اللي وضحناه سابقا
وماننسى الليفه طبعا عشان الهيل
(وفي الغالب هذي قهوة الرجال اللي مايحبون الترامس وطبعا هذا دليل على حسن الضيافة)
***
طبعا الهيل والزعفران هما الاساسيات وفيه الاشياء الثانية اللي يحبها البعض ومايحبها البعض الاخر مثل القرنفل (المسمار=العويدي) والزنجبيل والنونخة
واشياء راجعة لرغبتكم واللي تحبونه
بكذا وصلنا لنهاية مشوارنا مع القهوة الملكية اللي تشربين منها ماتملين
وطعمها في الراس مثل مايقولون
*********
ارجو اني افدتكم حبيباتي واي سؤال انا في الخدمة طريقة القهوة الملكية حصري لرفحاويات Smile12

طريقة القهوة الملكية حصري لرفحاويات Smile12

********
همسة: امي ضحكت علي يوم قلت لها اني برتب هالموضوع تقول قهوتنا عادية مافيها شي !!! طريقة القهوة الملكية حصري لرفحاويات Biggrin

لكن هذا مايمنع تبادل الخبرات

» ((حصري )) سواريهات
» مكياج أم أيات ,,حصري,,
» جميع اصـٍـٍـٍدرآت الفوتـٍـٍوشوب ..حصري..
» windows 7 ultimate▌ مع كراك(الأصلي)+شرح(حصري)
» طريقة عمل الكابتشينو