عصبي فتح منتدى .. شوفوا شروط التسجيل..

بسم الله الرحمن الرحيم

السلام عليكم ورحمة الله وبركاته

يابنات لقيت موضوع و متت عليه من الضحك وحبيت انقله لكم
ههههههههههههههههه

عصبي فتح جديد
شروووطه..

لقد تغيرت في المنتدى ....
وتم تغيير مسمى المنتدى لتواكب مرحلة ما بعد الحرب الباردة

اعرفوا الشروط زين....وافهموها....

واللي ما يبي هالشروط جعل اصابعه اللي طقت على الكيبورد
الكسر...
ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا.
بما ان هذا الموقع موقعي بروحي لابارك الله فيكم وفي اليد اللي فتحت لكم هالموقع....
فاللي يبي يسجل معنا يوافق على الشروط من ورى خشمه ....

والشروط هي...
1- اللي يسب اي واحد من الاعضاء بنجيه وبنربط حواجبه في صدامات الهايلكوس
وبنروح ونطعس فيه باقرب طعس...
قايلكم حنا ما نلعب

2-اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....
وابحجز له على اقرب رحله على طياره ترش الجراد وابرقي فيه على ارتفاع 50000 الف قدم
وبرضخ به على خوص نخله...علشان ما يعود لها.....
قايلكم حنا ما نلعب

3- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....
فهمتوا ولا افهمكم...

4- مسموح الذب...والذب هي كلمه اتيه من الذباب وهي فعل مضارع جمع تكسير مضارع
بسيط...فهمتوا...صح ولا ماهو صح...قولوا صح لابارك الله بالساعه اللي جمعت هالخشش
فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه
عشر....ايه تسعطعش...ساحتنا وحنا حرين فيها

5- اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه
من علبااااه..وبعدين بناخذه لأقرب جليب...وبنغطسه وبنطلعه...ونغطسه ونطلعه الين مايقول....
اشهد ان الددسن سياره... قايلكم ما نلعب...

6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل
معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما
انطحن....تراي ابطحنه له....واذا فيه خير يقابلني وين ما يبي...

منقووولــ

اعجبتني مووووت شكل راعي المنتدى عربجي

ههههههههههه
الله يستر لانطبقها بمنتداناا

هههههههههههههههههه

الله يقطع إبليسك

يـــا صخب

عصبي فتح منتدى .. شوفوا شروط التسجيل.. 650277

خخخخخخخخخخخخ من قلب معصب

وش يحس به على هالشروط غربله الله

هههههههههههههههههههه
شكله مايبي احد يسجل
هههههههههههههه

» زوجك عصبي..يطنشك ومايدق ولايرسل..ماعنده احساس تعالي هذا هو الشمالي شوفي شلون تسنعينه
» فتح التسجيل (قياس للماجستير)
» من شروط حج المرأة واعتمارها
» التربية تبدأ التسجيل ببرنامج لمّ الشمل.. اليوم
» جبت لكم طريقه التسجيل بموقع وزارة العمل بالصور """"""""