القصيده ..
يابنت ياللي لك من الطهر عاده
سموك باسمك لانك اطهر من الغيم
الله عطاك الزين حكم واشاده
لامن ظهرتي تذهلين المعازيم
الحزن يومه يغتصب هالسعاده
ماخلفو غير الوجع لحظه الضيم
لكن شعورك ما اداني بعاده
لاغاب صوتك اسرد السين والجيم
ويومك تقول ان الوصل لا اراده
وان القصايد في كتابك مهازيم
منتا نصيب القلب ولنتا مراده
انا عشقت وعاشقي زاد تعتيم
على شعوري وانصدمت فبلاده
كنه وطن ضيقه على جوه يخيم
يحكم على قلبي ذبول و إباده
وانا شعوري بحاجه شوي ترميم
يابنت صوتك شرب قلبي وزاده
لا تقتلين بيوت عاشن مظاليم
هاتي يدك صوب الامل واعتماده
لا مايخيب الظن يانشوه الديم
نرحل لبعد الشوف لابعد مداده
واعيش انا وياك خلف الاقاليم
لان الوصل حلمي وشوفك حصاده
وانتي بجمبي والقصايد محازيم
لاقلت احبك مايبيلك شهاده
شوفي عيوني تحتضن دمعه يتيم
الموقع
العمل
