ادوات رسم الحواجب وانواعها ....

انا دائما اشوف كثير يستفسرون عن اقلام الحواجب واحسن نوع او احسن ماركه
واتوقع الأغلب يستخدمون القلم الخشبي

زي هذا مثلا
بس انتبهي لازم يكون مكتوب عليهEyebrow pencil يعني قلم خاص للحواجب
انا عن نفسي ما احب استخدم القلم لأنه يكون ثقيل وتكون شكل الحواجب مو طبيعيه (والناس اذواق)

لذلك انا احب استخدم البودره

زي هذا من بودي شوب مررره يعجبني وانا من عرفت نفسي وانا استخدمه ولي طريقتين

الأولى: استخدمه ناشف يعني ماابلل الفرشه الخاصه فيه الموجوده بالعلبه واعبي الفراغات وبكذا احس يكون شكل الحاجب طبعي ومرسوم بنفس الوقت

واذا حابه يكون الرسم مضبوط استخدمي هذي الفرشه

الطريقه الثانيه : ابلل طرف الفرشه بشويت مويه بعدين امشيه شوي على البودره طبعا هي بتبلل شوي عادي ماراح تخرب هي بعدين تنشف زي "كحل الكيك" وارسم
هذي الطريقه احب استخدمها لمن اكون عامله مكياج كامل طبعا يعطيني لون اثقل

حالبا استخدم التاتوو طبعا لايروح تفكيركم بعيد هو جل للحواجب من makeup forever

هذا شكله
طبعا يجي معه فرشتين الحلو فيها انك تقدرين ترسمين بكل دقه وتعبين الفراغات بالفرشه الرفيعه
وراح يضل معك لفتره طويله لأنه ضد المويه يعني مو كل ما غسلتي وجهك ترجعين ترسمين حواجبك

طبعا لمن اكون مو فاضيه وحابه ارسم حواجبي بسرعه استخدم القلم طبعا من MAC

الي يعجبني بالقلم هذا شيئين

الأول: الراس الرفيع للرسم الدقيق طبعا يفضل انك ما ترسمين خط واحد متصل يكون على شكل خطوط صغيره كأنك ترسمين شعره شعره عشان يكون الشكل طبيعي

الثاني: هذا ما يحتاج تبريه يعني لفه بسيطه ويطلع "فهمتو قصدي!!!"

واخيرا وليس اخرا لمن نخلص لازم نمشط الحواجب ونرتبها بهالفرش

وللناس العمليه وما عندهم وقت اقترح عليكم هالعلبتين الي فيها كل شي طبعا من ماركة Benefit تحصلونها بوجوه

الثانيه تقدرين تسوين سموكي وبنفس الوقت تضبطين حواجبك وترسمينها

وان شاء الله تستفيدون ويعجبكم الموضوع ودمتم سالمين