..............الغاز شعبية..........

اسئلك عن بنت بها الناس يشقون

ومهما يطول بها العمل ماتمله

اعيالها من عند فمها يطيحون

الياطاح هذا صار هذا محله

الحل
وهي من الأدوات المكتبية ( الدباسه )

اللغز الجديد
أنشدك عن بنتين ما بينهن فرق ******* قِدْم أمّهن وحده ، ووحده وراها
لاغرّبت وحده تصير اختها شرق ******* ووجيهن ما يخـتلف محـــتواها

الحل
(لوحات السيارة الأمامية والخلفية )

انشدك عن بنت فيها الخير والشر

موجوده منذا العصور القديمه

تضرب بها الامثال وبطيب تذكر

وآخر حياة البنت صارت عديمه

حل اللغز .. النار الله يجيرنا منها

اللغز الجديد :
انشدك عن شي مع الناس مسموع**مايستوي ياكــــود عكسه ترده

سهمه خفي وداخل الجوف مزروع**ياللي سمعت اللغز عطني مرده

حل الغز( السلام) يعني يجاك احد قالك السلام عليكم ترد وتقول وعليكم السلام

ولغزنا الجديد هو
أنشدك عن بنت تجيب اربع عيال = الكل منهم ما يوالم خويه

اعمارهم تسعين بكل الاحوال = مره تزيد ومره تنقص شويه

الحل السنة والفصول الأربع

اللغز الجديد ..

حاكم حكم شرقها والغرب .. وكل الملا راضية بحكمه
أصم أعمى ما يشوف الدرب .. اللي يعرفه جيب لي اسمه

الجواب الميزان

الغز الجديد
انشد العراف عن علم وكيد**وش حاجته تضحك وتخفي شرها

نوب تجيب الخير لونه بعيد**ونوب يلوف الكبد والله حــــرها

الحل الدنيا
....
الغز الجديد
ويش بنت ميتة شالت اجنازه ...........والجنازه سرها في خاتمتها.
وانكسر جمع يهولك ارتكازه .............يوم جا للبنت بنت وكلتـــــها

حل الغز " عصى سليمان " علية السلام

قدامها تاقـف حـراوي دقايـق ... بنت وسطها بنت تظهر دقيقـه
فيها من المؤمن وضوح الحقايق ... لو علمها مقلوب تعطي حقيقـه