LipStiCK & Beyond

موضوع: LipStiCK & Beyond السبت أبريل 23, 2011 8:16 pm

[center]السلام عليكم ورحمة الله وبركاته

كيفكم يااحلى عضوات .. اليوم جايبتلكم موضوع راح يعجبكم مرا واكيد بتستفيدون منه
طبعا الحكي عن الارواج و انواعها و الوانها يطول ..
و لا يمكن نغطيه بالكامل بموضوع عشان كذا راح احاول اتناول الخطوط الاساسيه المهمه
و الاشياء الي احسها جديده و مو متعارف عليها

قبل ما نبدا بالالوان و الانواع
لازم نحكي شوي عن العنايه بالشفاه .. عشان الطله تطلع حلوه
و هذي بتكون اول خطوه لـ make up الشفايف ..

Exfoliating & moisturzing

التقشير + الترطيب
ايا كان الروج الي بتستعملينه اذا ما سبقتيه بهالخطوتين ما راح يعطيك نتيجه تعجبك
و طرق التقشير و الترطيب كثيره و منتجاته اكثر و اكثر

بعد ما قشرنا و رطبنا .. ننتقل للخطوه الي بعدها

Blocking your lip colour

هالخطوه هدفها انك تلغين لون الشفاه ..
عشان أي لون تحطينه فوقها يطلع بشكل اجمل و يبان لونه الحقيقي مثل الي بالـ stick بالضبط ..
و الاكيد تفيد البنات الي يشتكون من الشفايف الغامقه ..

عندنا عده طرق لإخفاء اللون ..
الطريقه الأولى : اشهر طريقه استعمال الـ concealer
أي نوع تستعملينه لوجهك راح يمشي .. و بنرجع نحتاجه بعدين بالخطوه الاخيره
بكل بساطه طبطبي شوي بالفرشاه او باصابعك على شفتك لحد ما يبهت لونها ..

الطريقه الثانيه : استعمال الـ powder
أي powder تستعملينه لوجهك بعد راح يمشي بشرط ما يكون برونز او فيه شيمر
نحتاج شي ماات .. و اكيد راح نحتاج فرشاه ..
و ممكن عشان تحصلين نتيجه افضل .. تستعملين الـ concealer و فوقه شوي powder ..

الطريقه الثالثه : استعمال nude lipstick
مو أي لون نيود راح يمشي .. لازم يكون مثل لون بشرتك او افتح ..
اذا كان عندك روج نيود شريتيه و قلبك مريضه لا ترمينه.. استعمليه راح ينفعك بهالحاله
بالنسبه لي استعمل myth من mac .. يخليني مرعبه بس هذا المطلوب
يخفي لي لون شفايفي نهائي

الطريقه الرابعه : استعمال product مخصص لإلغاء اللون
فيه بعض البراندز منزله كونسيلرات مخصصه للشفايف ..
macسبق نزل بوحده من الكولكشنات واحد اسمه lip erase
موجود الحين بس بـالـ pro stores .. يعني صعب تحصلينه الا اذا انتي مسافره حتى بالنت ما يجي
بس ترا ما عليه حسوفه احسه شوي ينشف الشفايف ..

بس الي احلى منه lip spackle من laura geller ..

هالبراند موجوده بسيفورا بس مو عندنا
هذا بطل و يلغي اللون صح و الاحلى انه ابدا ما ينشف الشفايف بالعكس احسه يرطب ..
اذا صعب تحصلينه خليك على الـ consealer و وضعك راح يكون تمام ..
طمسنا اللون .. و صرنا جاهزين للعب بالألوان ..

مظلوم هالـ lip liner
مدري ليه الناس ما يستعملونه كثير و الله حرام >> ابد خلصت المشاكل ما بقى الا هذي تضيق صدرها

انا عندي قناعه ان أي lip stick في العالم لازم يكون تحته lip liner لازم لازم
حتى في الدوام .. حتى في الجامعه ..
بالعكس اذا بتستغنين عن شي استغني عن الروج و اكتفي بالـ lip liner و فوقه شوي قلوس او حتى فازلين ان بغيتي
و ببعض الانواع ما راح تحتاجين تحطين فوقه شي

من الاسباب الي أحب الـ lip liner اولا انه يخلي الروج ثاابت .. و يترك لون حلو بشفايفك ما يبهت مع الوقت
+ انه يمنع الروج يسيح و يطلع برا حدود الشفه . . يالله قد ايش اكره هالحركه
+ اهم سبب .. أي منتج يخليني ابدع على طول احبه

في قاعده ما ادري مين مخترعها .. ان الـ lip liner ضروري يكون نفس لون الروج او قريب جدا منه
كنت اطبق هالقاعده و كل ما شريت روج صفيت الـ lip liner حقه معه عشان يطلع حلو
أي لون يخطر على بالي احطه و فوقه أي روج ممكن ما يكون له علاقه فيه
و طلعت بدرجات الوان خياليه من هالحركه ..
بلا مبالغه عندي بعض الالوان لما احطها كثير يسالوني انتي وش حاطه
و غالبا ما يكون بسبب اني اخلط الوان مختلفه ..

بس هالحركه ما تنفع الا بشرط انك تعبين كامل الشفه بالـ lip liner

موب تحددونها بلون احمر و تحطون روج خربزي و تقولون شتى تقول .. علمتكم هاه

How 2 apply

في طريقتين لاستخدام الـ lip liner
اولها انك ترسمين حدود الشفه .. ابتداء من القوس العلوي ( cupid's bow )
الي هو مكان الثلاث نقط في الشفه العلويه
بعدين توصلين النقط لحدود الشفايف .. و تبتدين من نص الشفه السفلى بنقطتين
بعدها تمدين الخط للحدود الخارجيه ..
اذا انتهيتي من تحديد الشفايف .. لازم تبدين تموهين الخطوط لادخل الشفه باستعمال أي فرشاه
عشان ما يكون الخط حاد و واضح

هذي الطريقه الأولى سريعه و حلوه ..
لكنها ابدا ما تنفع اذا كنتي بتستعملين الوان قويه او غامقه مثل الاحمر و العنابي
لان الروج لو يخف راح تبين شفايفك فاتحه و حولها خط غامق من الـ lip liner

لذلك احرصي انك تعتمدين الطريقه الثانيه
الي هي انك ترسمين حدود الشفه .. بعدين بخطوط صغيره و عشوائيه تعبين داخل الشفه
مو ضروري كلها تتلون عشان ما يتكتل الون و يكون ثقيل
بعدين بفرشاه موهي هالخطوط لحد ما يتوزع اللون على كامل الشفه ..

Best Brands

كالعاده .. دائما و ابدا
Mac

مبدع في الـ lip liners
ثبات + سهوله في التوزيع + الوان و درجات خياليه
Mac عنده نوعين من الـ lip liner

Lip pencil القلم العادي الي نعرفه .. ثابت جدا و طويل يكفيك مده طويله و درجاته كثيره

Cremestick liner احبه لانه مو ضروري تبرينه .. لكنه اغلى شوي و اقصر من الاول .. حسب كلام شركه mac انه المفروض يكون اكثر ثبات من الاول .. انا اشوف انهم نفس الثبات
هذا ميزته انه كريمي و احب استعمله لحاله بدون شي فوقه و ابدا ما راح يبين انه lip liner ..
بينما الاول بدون شي فوقه ممكن يبين شوي ناشف

Make up for ever

عندهم نوعين

Aqua lip الي هي اللاين الجديد .. يفترض انه waterproof بس صراحه ما حسيت انه ثابت .. ما يمنع ان الوانه رائعه و انه كريمي و سهل التوزيع ..

و عندهم الـ lip pencil العادي القديم .. هذا ممتاز .. قريب جدا من mac

Guirlan ..احلى شي فيه انه بالطرف الثاني تجي معه فرشاه صغيره عشان تدمجينه .. نوعيته بعد حلوه و كريميه
عندي 2 بس لي سنه ما استعملتهم .. توني اذكرهم بستعملهم بكره ان شاء الله ..

Nyx درجاته حلوه

Picking the Perfect Shade 4 U

جربت ادخل باحلى الدرجات من كل نوع بس انقلب راسي من كثرها ..

بعدين اكتشفت ان مالها سنع حتى لو سويتها
بكل بساطه لان الي يناسب بشرتي مو بالضروره يناسبكم و العكس صحيح ..عشان كذا راح نرجع للأساسيات في علم الألوان ..

تذكرون لما حكينا عن دائره الالوان في واحد من المواضيع
كنا نحكي عن اختيار الوان الـ shadow
هالمره الموضوع مختلف شوي لان الارواج على الدائره اللونيه كلها في درجات الأحمر

اول شي عندنا الأحمر الصريح بدرجاته .. و غير الأحمر عندنا باقي الالوان
درجات العنابي عباره عن أحمر + اسود أو رمادي
درجات البينك عباره عن أحمر + ابيض
درجات الأورنج عباره عن أحمر + أصفر
درجات الموف عباره عن أحمر + أزرق
البرونز و الذهبي و البني عباره عن أحمر + أخضر = بني .. لكنهم يلعبون بالدرجات و يفتحونها و يغمقونها
حتى درجات النيود يدخل في تركيبها الأحمر + الأخضر لكنها تكون فاتحه جدا عشان تعطي لون الجلد

طبعا يستثى من هالكلام الارواج السوداء و الفضيه و الزرقاء
ما تلاحظين احيانا انك ممكن تشترين درجتين من نفس اللون و يكونون قريبات من بعض كثير
لكن وحده منهم تناسبك و الثانيه تقلب عليك ..او لون ما ناسبك ابدا لكنه طلع على اختك تحفه ..
اذا فهمتي هالنظريه ما راح تتعرضين لهالمشكله .. و تصيرين من و انتي بالمحل عارفه هاللون راح يناسبك او لا

الألوان المخفيه الي تدخل في تركيبه اللون لكن ما نشوفها
ممكن تاخذين روج يكون لونه احمر عادي بالنسبه لك .. لكن تركيبته يكون داخل فيها أصفر
هذا تلقائي بيسمرك على فكره .. لانه يساعد درجات الموف في البشره انها تكون اقوى مثل هالنوع بيطلع رائع مع أي لوك برونز ..
لكن لما تاخذين أحمر داخل في تركيبته أزرق .. هذا يبيض بشرتك + يبيض اسنانك
لما يقولون لك الأحمر يبين الاسنان صفراء هذا غلط .. بالعكس راح يبيضها درجه >> هذا الاحمر الي في تركيبته ازرق فقط مو أي احمر لكن مشكلته انه يخلي التركيز على منطقه الفم .. فيكون التركيز على لون الاسنان واضح .. عشان كذا المفروض يبتعدون عنه الي يحسون اسنانهم فيها لون لان بياض درجه ما راح يفرق كثير
طبعا مو أي روج داخل في تركيبته ازرق ينطبق عليه هالكلام هذا بالنسبه للاحمر بس
مثلا الموف داخل في تركيبته ازرق .. لكنه مكمل للأصفر .. يعني نتيجته عكسيه ابتعدي عنه اذا بشرتك صفراء ابدا ما راح يناسبك .. لكن اذا بشرتك فيها حيويه راح يطلع عليك يدوخ
ممكن احكي عن هالنقطه سنه .. لكني سبق و وضحتها في واحد من المواضيع الي يختلف ان الدرجات في الارواج ما تكون صريحه مثل الكحل او غيره .. عشان كذا لازم نبحث عن الـ under tone
الي لهم بالرسم و التلوين سهل عليهم الموضوع لانك مجرد ما تشوفين اللون تعرفين داخل في تركيبته ايش بالضبط
اما الي مالهم بهالاشياء المساله يبيلها شوي تدريب
و الطريقه الثانيه و الاسهل انك قبل ما تشترين أي لون تدخلين موقع الشركه و تقرين وصف اللون
Mac موجود عندهم كل لون وصف للـ under tone الموجوده فيه

مثل russian red .. احمر داخل في تركيبته ازرق و موضحين لك اياها

و مع الوقت راح تلاحظين نفسك احسن في التفريق بين الالوان

طيب اذا لقيتي لون مناسب لبشرتك بس ما عجبك الـ finish تبع الروج .. وش نسوي ؟!

انا انسانه اعشق الارواج الـ matte .. و كانت هذي مشكله تواجهني صراحه .. لاني لو ابي لمعه باي لون مجرد اضيف شوي قلوس و تنتهي المساله
لكن الـ matte وش يطلعه ..

و مو دايم القى الدرجه الي ببالي و ياما شريت الوان من كل الماركات عشان هالنقطه بس اكتشفت حركه جميله جدا .. من بعدها صرت شاقه الضحكه مثل كذا

Matte

هو اسمه كذا بس matte ما تدرين هو كريم هو جل هو شامبو الله اعلم
قسم بالله حقين ماك لاقيني كل ما طلعوا لي شي يقولون جربيه اقول جيبوه
هذا الشي عندي من سنتين يمكن .. و ما قد استعملته لنفسي كنت استعمله لوحده من خواتي لان بشرتها جدا دهنيه
حتى مع الباودر كانت تبين دهنيه مع الوقت .. و انحلت هالمشكله لما استعملت لها هذا في منطقه الجبهه و الانف شوي قبل الفاونديشن
لاحظوا ان المشكله في بشرتها هي و انا الي اشتري الاغراض يا حسره بس
انا ما قد فكرت استعمله لان من غير شي بشرتي يابسه عسى تنفع فيها هالكريمات بس
المهم ذاك اليوم و انا طاقتني الغلقه و قاعده ابربس باغراضي
جربت احط منه شوي فوق الروج بفرشاه صغيره .. و اذهلتني النتيجه
الروج قلب matte .. بلون يجنن صار بالضبط نفس الي ابيه و ادور عليه من سنين

تخيلي أي لون عندك ممكن تقلبينه matte .. بالله موب شي يوسع الصدر>> تحسب الناس مثلها

و احلى استعمال لهالحركه تدرون متى ؟!

قبل ما تحطين أي قلوس يكون فيه شمير او قليتر ..
احسكم تقولون الحمدلله و الشكر وش الفايده

بس لما يكون الروج مات .. و تحطين فوقه القليتر راح يبين القلوس و لمعته جميل جدا ..
غير لما تحطينه فوق شي اساسا يلمع و تختبص الدنيا على بعض .. فرق كبيييير
انا ما اقولكم اشتروه .. لكن الي عندها اياه من الاساس ترا هالحركه تستحق التجربه

How 2 Apply

ضروري يكون عندك فرشاه للـ lip stick
ابدا مو كل الانواع تنفع انك تستعملينها مباشره من الـ stick بالذات اذا كانت matte او ثقيله
راح تحطين اكثر من الي انتي تحتاجينه و يبدا يتكتل و يبين الخطوط بشفايفك اوضح

+ انك لما تستعملين فرشاه راح تقدين توزعين اللون صح و تخلطينه مع الوان ثانيه اذا ودك و توصلين للاماكن الصعبه مثل زوايا الشفه

و الحلو ان فرشاه وحده بتنفعك للـ lip liner + الـ lip stick + الـ gloss حتى ..

الفرش الي ممكن تستعملينها

316 من mac
حلوه لانك ممكن تغطينها و تحطينها بشنطتك بدون ما تحوس لك الدنيا
لكنها موجوده بكثير ماركات مو ضروري تاخذينها من mac

Body shop عندهم وحده بنفس الفكره لكن شعراتها طويله و ما حبيتها
بس عندهم وحده مكتوب عليها lip / concealer brush
مالها غطاء لكنها ممتازه و تؤدي الغرض
هذول الي جربتهم الي عندها فرشاه تنفع للشنطه لا تبخل علينا

كثيرين عندهم قناعه ان الـ lip gloss تبع ماك يلزق
انا صراحه ما احس بهالشي و عادي الوضع جدا بس اصدق لان كثيرين اتفقوا عليها ..
اذا انتي حاسه انها تلزق و مو حابتها ما عليك من هالفقره

مثل ما قسموا mac ارواجهم لانواع .. استخدموا نفس الطريقه للـ gloss ..

و انا اشوف ان هالطريقه اسهل عشان تختصر عليك وقت و تجارب و فلوس اذا كنتي من قبل عارفه النتيجه الي راح تحصلين عليها من هاللون او غيره ..

dazzle glass من اشهر انواع الـ gloss الي تميز فيها ماك .. لونها بين الخفيف و الثقيل بس فيه شفافيه و ميزتها ملياااانه قليتر و شيمر و تتبالص من اخر الغرفه
lustre glass هذي شبه شفافه فيها شيمر خفيف .. ما احبها شخصيااحس مالها سنع بس اذا ودك بشي خفيف جدا راح تعجبك
plush glass هذي فيها لون خفيف .. ميزتها تحسين شوي تنفخ لك الشفايف .. يعني الاضاءه الي تعكسها تعطيك ايحاء انها انتفخت و لا هي ما انتفخت صدق
فيها شيمر بعد و بعضها مات

cremesheen glass هذي كانها روج كريمي مات ما فيها شيمر.. اعشقها
dazzleglass creme هذي جمعت بين الـ dazzle glass من ناحيه اللمعه .. و بين الـ cremesheen من ناحيه كثافه اللون .. من احلى الانواع
tinted lipglass النوع العادي الي يكتبون عليه lip glass بس .. تتنوع بين المات و الشيمر .. و كثافتها اللونيه حلوه و ثقيله .. بعد من احلى الانواع
lip glee اللي يجي شكلها مثل التيوب .. شفافه لكن لونها يبين .. احبها لان ما فيها شيمر لكن في بعض الكولكشنات ينزلون منها بشيمر .. بس طريقه استعمالها مزعجه شوي

هذا بالنسبه للانواع المتوفره دائما بالـ perminant line ..
نزلت انواع غيرها بكوليكشنات مثل super glass , pro lip stain , lip mix , marbelized lip glass و غيرها كثييير
و مو كلها عندي و لا يتسع المجال لذكرها

طبعا في غير mac ماركات بطله بالـ gloss راح اذكر بعضها على السريع

Nars درجات الالوان جميله جدا .. و احلى شي فيها ان اغلبها من غير شيمر .. لكن الثبات لكم عليه شوي
Chanel يتميزون بالارواج السائله اكثر من القلوسات .. و خاصه درجات الاحمر تحصلينها عندهم رائعه
Ysl عندهم كولكشن الذهب الي نزل قبل سنه تقريبا .. خياليه الوانه الفاتحه و لمعته ميتاليك بس يبهت بسرعه
NYX على اني ما حبيت ارواجهم كثير .. بس الـ gloss عندهم بطل .. درجات لونيه تحتارين من كثرها
Dior عندهم gloss فوشيا ما اتوقع للآن في ماركه اخترعت مثله .. لكن قوام القلوسات خفيف شوي
Guirlan الماركه الوحيده الي احب قلوساتها اكثر من mac.. الكولكشن الي غطاه ذهبي من حلاوتها ما تحتاج lip stick تحتها .. بس هالكوليكشن كله شيمر ما فيه مات ..

اول شي تسوينه عشان تبين شفايفك ممتلئه انك تاخذين أي هايلايتر عندك يكون مايل للابيض او اوف وايت
باودر فاتح .. أي شادو .. بيقمنت .. عادي كله يمشي .. و لو يكون فيه شوي شيمر مو مشكله
انا استعمل cream colorbase in pearl >> يا كثر ما تستعمله هالحرمه

بلمسه خفيف حطيه فوق شفتك العليا .. بالنص بس على الـ cupids bow
راح تبرز شفتك العليا و تبينها ممتلئه و جميله جدا

*******

بدل ما تستعملين gloss على كامل الشفايف .. جربي تحطينه بس بنص شفتك السفلى
غير انه بيعطيها امتلاء .. حتى اللون بيصير ارتب من ان اللمعه تنتشر بكل مكان
و شكلها طبيعي جدا وراااايق

*******

Nightmoth

له بدائل مثل currant و vino
عموما درجه اللون نفسها ما تهم المهم انه يكون غااامق
كل الي عليك تسوينه انك تحددين فيه اطراف شفايفك الخارجيه و بعدين تدمجينها بفرشاه مع الروج
و شوفي كيف شفايفك راح تبرز لقدام اكثر و محد بيلاحظ لونه اذا دمجتيه صح

بس هالحركه صعبه شوي اذا كنتي بتستخدمين الوان فاتحه مثل اللحمي او البينك ..
لكن مع الاحمر و الفوشيا و هالالوان .. راح يطلع خرااافي

بس نقطه مهمه .. كل الي بقولهم لازم تستعملين فيهم فرشاه و الالوان بشكل خفيف
اذا بتستعملين الـ stick بيعطيك لون ثقيل و مو حلو ابدا ..

Mac lip pencil ( beat) + mac lip stick ( mystic )
تعطيك لون عودي على خمري خيالي ..

Mac lip pencil ( redd ) + mac lip stick ( ravishing )
احلى اورنج محمر ممكن تحصلينه

منقولـــ

LipStiCK & Beyond 359568

[/center]

موضوع: رد: LipStiCK & Beyond الجمعة ديسمبر 02, 2011 10:20 pm

يسلمووو الله يعطيك العافية